ПУБЛИКУМ Вистината на прво место
Прес конференција на Миле Талевски, претседател на ОО СДСМ – Прилеп:
Почитувани,
Локалната власт предводена од СДСМ и градоначалникот Јованоски, е силно посветена на борбата против загадувањето на воздухот во општина Прилеп.
За остварување на таа цел, презедовме серија на мерки, помеѓу кои и субвенционирање, односно надоместување на дел од трошоците на граѓаните за купување клима уреди – инвертори и велосипеди, за што издвоивме 6.000.000 денари од општинскиот буџет.
Околу 400 граѓани ќе добијат субвенции до 10.000 денари од трошоците за набавен клима уред и исто толкав број на граѓани ќе добијат надомест до 5.000 денари за набавен велосипед.
Јавниот повик е објавен и ќе трае до 3 април 2020 година, до кога граѓаните ќе можат да аплицираат за искористување на оваа мерка.
Огромниот интерес за набавка на инвертори и велосипеди, потврдува дека донесената мерка е вистински погодок и во интерес на граѓаните.
Со ова, ги поттикнуваме нашите сограѓани да ја намалат употребата на нееколошки енергенси за загревање, дрва, јаглен и нафта, како и што помалку да ги користат автомобилите.
Додека ВМРО-ДПМНЕ и претходната власт предводена од Марјан Ристески, цели 12 години го игнорираа загадувањето на животната средина, ние за само 2 и пол години покажавме дека интензивно работиме на обезбедување почист воздух во нашиот Прилеп.
Покажавме дека заштитата на здравјето на граѓаните, е високо поставена на нашата агенда.
Тоа е правиот пат, кој граѓаните ќе го потврдат на 12 април.
