77 години од загинувањето на народниот херој, прилепчанецот Кузман Јосифоски-Питу

Со полагање свежо цвеќе пред споменикот на Кузман Јосифоски-Питу во центарот на Прилеп, како и пред неговите спомен бисти во истоименото училиште и Алејата на народните херои, денеска беше одбележана 77 годишнината од загинувањето на народниот херој.

Согласно мерките за заштита од коронавирусот и во помал број, делегации од Општина Прилеп, општинскиот Совет, средното економско училиште и Сојузот на борци од градот, се поклонија пред спомен обележјата на Кузман Јосифоски-Питу, оддавајќи достојна почит на неговото револуционерно дело. Кузман Јосифоски-Питу, е идеологот и еден од најзаслужните за организирањето на НОБ и антифашистичкото движење во Македонија. Тој е иницијаторот и главен организатор на Првото заседание на АСНОМ, како и
автор на неговите државотворни документи.

Роден е во Прилеп на 23 јуни 1915 година, а загинал во Скопје на 25 февруари 1944 година, погоден од куршум на бугарски војник.

Прочитајте повеќе

Талевски: ДПМНЕ и Тошковски ја загрозуваат безбедноста на граѓаните

Прес-конференција на Миле Талевски, пратеник на СДСМ Почитувани граѓани, Два месеца откако ВМРО-ДПМНЕ го презеде …