Состанок на Македонско-бугарската мешовита комисија за историја

Состанок на Македонско-бугарската мешовита комисија за историја

Македонско-бугарската мешовита комисија за историски и образовни прашања, како што изјави за МИА копретседавачот од македонска страна Драги Ѓоргиев, ќе заседава денеска и утре за забелешките дадени од бугарската страна за средовековниот период за македонските учебници по историја за седмо одделение. Тој оцени дека работата на Комисијата се одвива во позитивна атмосфера и доколку така продолжи, според него, ќе дојде до приближување на ставовите. Во однос на прашањето за Гоце Делчев, кое се дискутира од аспект на заедничкото чествување, Ѓорѓиев смета дека тоа ќе се отвори на претстојните разговори доколу остане време.

Бугарскиот премиер Кирил Петков деновиве изјави дека од бугарскиот дел до Историската комисија добил известување оти е постигнат напредок за важни историски личности во разговорите со Скопје и за надминување на разликите. „Комисијата за историја ме извести за некои важни историски личности и нивниот третман. Ќе ви дадам некои детали. Дојдовме до напредок по тие прашања, на многу конструктивен и реалистичен начин којшто ни отвора можност за забрзување на нашите преговори. Секако ќе ми треба прво да добијам јас и моите коалициски партнери целосен извештај од Комисијата, но штом добиеме извештај тоа ќе оди многу брзо“, рече Петков.

Прочитајте повеќе

Бесплатен влез во музејските институции за 18 Мај, Меѓународниот ден музеите

Бесплатен влез во музејските институции за 18 Мај, Меѓународниот ден музеите

„Музеи за едукација и истражување“ е мотото под кое утре ќе се одбележи Меѓународниот ден …