Денеска сонце и топло време, за викендот нестабилно со локален пороен дожд

Денеска ќе преовладува сончево и топло време, со мала до умерена облачност. Кон крајот на денот ќе има појава на краткотрајна нестабилност со пороен дожд и ретки грмежи, претежно во југозападните делови. Ќе дува слаб до умерен ветер од променлив правец а температурата ќе се движи во интервалот од 21 до 31 степен.

За време на викендот, во попладневните часови облачноста ќе биде зголемена и на повеќе места ќе има пороен дожд и грмежи. Особено нестабилно ќе биде во сабота, кога процесите локално ќе бидат поинтензивни во форма на невреме со интензивен пороен дожд, грмежи и засилен ветер, а можна е и појава на град. Максималната температура ќе достигне 29 степени Целзиусови.