АМСМ: Сите патни правци проодни, во клисурите можна појава на одрони

Сообраќајот на државните патишта се одвива тековно по влажни коловози, на места со остатоци од кашест снег на коловозот. Снег врне во северниот, западниот и југозападниот дел од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има појава на утринска магла и можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.