ПУБЛИКУМ Вистината на прво место
Над овие тимови, според висината на моќта што ја имал, наводно бил братот на претседателот Андреј Вучиќ, за чија корист, како што се тврди во пораките на „Скај“, се бореле и двајцата
Пораките што ги разменил Милош Пандрц, близок соработник на наркобосот Дарко Шариќ, во текот на 2020 година преку мобилните апликации „Скај“ и „Воцап“ ги откриваат случувањата во Српската напредна партија (СНС) во Нови Сад, како и врските на партијата со различни криминални кланови и насилни хулигански групи. Покрај ова, како што пишува Крик.рс, поседуваат и извештај од полиција во кој се сумирани овие пораки.
Имено, овој соработник на Шариќ, кој одлежа затворска казна од 10 ипол години за меѓународен шверц на кокаин, бил близок со познатиот бизнисмен на СНС, Драгољуб Збиљиќ. Збиљиќ планирал бизнис со Пандрац и редовно му пренесувал партиски случувања од Нови Сад, како и пораки од тогашниот градоначалник Милош Вучевиќ, со кого Збиљиќ бил близок, што може да се види од пораките на „Воцап“ што ги објавува КРИК.
Преписката меѓу Пандрац и Збиљиќ, како и Збиљиќ и Вучевиќ, открива дека во 2020 година Српската напредна партија во Нови Сад била сè само не обединета. Заговорите, внатрешните поделби и деловните грабежи биле секојдневие. Пораките укажуваат дека претставниците на локалната власт и тајкуните на СНС криеле еден од друг колку инвестираат во одредени бизниси. Членови на различни фракции се среќавале и учествувале во афери заедно, додека во исто време си работеле зад грб.
Ова не е неочекувано, со оглед на тоа што вредностите на овие зделки беа вртоглави и се мерат во десетици милиони евра, како што може да се види од пораките. Така, според Пандрц, бизнисменот Збиљиќ од само една зделка заработил 25 милиони евра, од кои наводно кумот на претседателот Никола Петровиќ, добил на рака 2,5 милиони евра.
Анализата на пораките покажува дека моќниците во Нови Сад биле поделени во две групи, меѓу кои имало политичари, бизнисмени и истакнати членови на организираниот криминал. Еден тим е предводен од Збиљиќ, а тој е тесно поврзан со соработникот на Шариќ, Пандрц. Овој тим, поточно Збиљиќ, е близок со тогашниот градоначалник на Нови Сад, а сега премиер во заминување, Милош Вучевиќ.
Наспроти нив беше тим предводен од луѓе кои Пандрц во своите пораки ги нарекува со прекарите „Келав“ и „Туршија“ или „Дебел“. Според полицијата, „Туршија“ и „Дебел“ се прекари на актуелниот криминалец Горан Ковачевиќ Горанац, додека извори од КРИК тврдат дека „Келав“ е Звонко Веселиновиќ. Овој тим, како што се наведува во пораките на Пандрц и Збиљиќ, бил тесно поврзан со српскиот претседател Никола Петровиќ. Помеѓу двата тима левитираше познатиот новосадски криминалец и хулигански водач Слободан Милутиновиќ, познат како Снајперистот. Над овие тимови, според висината на моќта што ја имал, наводно бил братот на претседателот Андреј Вучиќ, за чија корист, како што се тврди во пораките на „Скај“, се бореле и двајцата.
Материјалот кој го објави КРИК го видоа и српските институции. Пред една година Европол им дозволи на полициските претставници од регионот и на српските полицајци да го анализираат. Српското обвинителство за организиран криминал во изминатите години двапати покрена обвиненија против Дарко Шариќ и неговите соработници, кои се темелеа токму на пораките „Скај“, односно на докази доставени од странство. Во ниту еден од овие два случаи Пандрц не беше обвинет или спомнат – иако тој е важен член на овој картел кој исто така бил во контакт со највлијателните луѓе во СНС.
Целата анализа може да се прочита на следниот линк.
Извор: МЕТА
