Антикорупциска поведе две прекршочни постапки против Иванов за унапредувањата во АРМ

Државната комисија за спречување на корупцијата (ДКСК) донесе одлука за поведување две прекршочни постапки против претседателот Ѓорге Иванов за донесени укази за унапредување и поставување старешини во АРМ за време на изборниот период, што, според ДКСК претставува непочитување на забраните утврдени на Изборниот законик и Законот за спречување корупција и судир на интереси.

Имено, претседателот Иванов со указ го унапредил во чин генерал-потполковник од генерал-мајор Васко Ѓурчиновски, а при унапредувањето не е постапено согласно одредбите од Законот за служба во Армијата. Според ДКСК, тоа упатува на сомневање дека Иванов ги пречекорил своите законски овластувања и донел одлука без претходно спроведување на законски утврдената процедура. Со донесување и извршување на указот, сметаат од ДКСК, на Ѓурчиновски ќе му се исплатува зголемена плата, дејствие што е забрането во изборен период.

Исто така, со указите на Иванов со кои се поставува бригадниот генерал Орце Јордев за заменик командант и полковник Драган Ковачки за командант на Првата механизирана пешадиска бригада и полковник Бесник Емини за началник на Штаб, донесени по денот на распишување на изборите, ќе им се исплатува зголемена плата, што е забрането во изборен период.

Извор:МЕТА

Прочитајте повеќе

Георгиева од ЗЛС

Георгиева од ЗЛС: Во мандатот на Филипче освен плата, приватните специјализанти добија и платени дежурства (ВИДЕО)

Пред 2018 година не постоеше никаков надоместок за приватните специјализанти, значи таа категорија на лекари …