Апсурди: Арсовска тужи затоа што била кандидат на ВМРО-ДПМНЕ

Во одговор на новинарско прашање по судското рочиште, коешто се одржа денеска а во врска со тужба од градоначалничката Данела Арсовска, портпаролот на СДСМ и пратеник, Дарко Каевски, рече дека тужбата не е за изнесените информации дека фирми на Аросовска должат за струја, туку затоа што се почувствувала навредена од тоа што била посочена како кандидат на ВМРО-ДПМНЕ.

  • Фактите во делот на долгот за струја којшто го имала фирмата кадешто сопственик или управител била Данела Арсовска, е нешто што не може да се побие. Тужбата е за тоа што сум ја навредил, со тоа што сум кажал дека била кандидат поддржан од ВМРО-ДПМНЕ. Дали Данела Арсовска се чувствува навредена што била кандидат поддржана од ВМРО-ДПМНЕ? Ако така се чувствува треба да каже пред јавноста. Фирмите воопшто не беа предмет ниту на дискусија, ниту доказите. Предметот на дискусија беше насочен како јас докажувам дека била кандидатка на ВМРО-ДПМНЕ, рече портпаролот и пратеник на СДСМ, Дарко Каевски.

Каевски додаде дека за граѓаните се најлегитимни прашањата за неисполнетите ветувања на Арсовска.

  • Уште полегитимни се прашањата за нејзините неисполнети ветувања, за бесплатниот јавен превоз, за еколошките автобуси, за нечистотијата во градот. Во овие шест месеци не видовме ниту еден проект релизиран од нејзина страна, рече Каевски.

Прочитајте повеќе

МНР – Макрон уверува дека ненамерно згрешил со „Северномакедонци“

Направена е ненамерна грешка при употребата на придавката за граѓаните на Северна Македонија, вакво уверување …