Авто Плус, најстариот автомобилски медиум во Македонија успеа по речиси 13 години без саемска манифестација за авто-мото индустријата, да ги обедини македонските увозници на автомобили на една заедничка смотра на новитетите од нивните брендови.

Многу години и неколку кризи потоа, Авто Плус повторно со еден алтернативен начин на презентирање на нови, еколошки, технолошко напредни и електрични(хибридни) автомобили.
Avto Plus Street Show на 11 мај, на булеварот Илинденска, ќе обедини петнаесетина автомобилски брендови кои ќе презентираат безмалку 100 модели автомобили, повеќето новитети, а некои и со премиера на нашиот пазар. Ќе видиме и целосно електрични, хибридни и спортски модели, а со нив ќе бидат претставници и на придружната индустрија (гуми, акумулатори, авто галантерија…).

Локацијата на настанот е на Бул. Илинденска: од Зоолошка Градина до Пионерски Дом Карпош, во сабота 11 мај. Настанот ќе го отвори Градоначалникот Петре Шилегов, а посетителите ќе можат да се дружат со “убавиците на четири тркала“ до 22 часот тој ден.