Американскиот претседател Џо Бајден денеска ќе разговара со својот руски колега Владимир Путин. Во соопштението на портпаролката на Советот за национална безбедност Емили Хорн издадено вчера се вели: „Администрацијата на Бајден продолжува да се ангажира во обемна дипломатија со нашите европски сојузници и партнери, консултирајќи се и координирајќи за заеднички пристап како одговор на руското воено засилување на границата со Украина“.
Бајден претходно разговарал со лидерите ширум Европа, а претставници на администрацијата на Бајден се консултирале и со НАТО, Европската унија и Организацијата за безбедност и соработка во Европа, се вели во соопштението. Разговорите вклучија и консултации со владини претставници во Источна Европа, вклучително и Украина, и во форматот Букурешт девет (Б9). Москва претходно овој месец поднесе нацрт-безбедносни документи со кои, меѓу другото, се бара прекин на проширувањето на НАТО кон исток и воената соработка со земји како Украина и Грузија.
Извор: Радио Слободна Европа