„Батка ова ти е чист импресионизам со примеси на експресионизам“ – Тошо Малерот: монологија (видео)

Денеска во 19 часот во книжарницата „Литература.мк“ во „Сити мол“, Васко Тодоров, кој е познат по неговото хумористично алтер-его Тошо Малерот ќе ја потпишува неговата книга „Тошо Малерот: монологија“. Во делото се собрани култни монолози кои популарниот „батка“ ги има кажано во легендарното шоу „К-15“ како и скечеви кои не биле емитувани на телевизија досега.

Книгата е во издание на „Арс Либрис“, дел од „Арс Ламина ‒ публикации“ и може да се купи во сите книжарници „Литература.мк“, како и да се нарача онлајн на интернет-страницата. Во кратко промотивно видео каде што Васко Тодоров се појавува во улога на неговиот лик Тошо Малерот, се зборува и за правецот на самото дело.

„Батка, оваа книга ти е чист импресионизам со примеси на експресионизам, а целта е да се доближи човековото внатрешно битие кон возвишеното во него. Затоа што љубовниот стремеж е чекан, обостраната хемија е длето и сè се сведува на делкање“ – вели тој.

Обожавателите ќе може да ја купат книгата и да се запознаат со Васко. Притоа ќе бидат запазени и сите соодветни мерки за заштита така што посетителите ќе мора да носат маска и ќе биде контролиран влезот во книжарницата.

Васко Тодоров во моментов е дел од екипата на сатиричната емисија „Фчерашни новости“. Најголемиот дел од популацијата го препознава по легендарните ликови кои ги толкуваше во рамки на шоуто „К-15“ заедно со Бранко Огњановски и Љупчо Бубо Каров.

Извор:МЕТА

Прочитајте повеќе

Победник на вечерта: „Опенхајмер“ освои седум Оскари

Филмот „Опенхајмер“ ја оправда фаворитската улога на 96. доделување на најпрестижните филмски награди во светот. …