Како што информираше на својот фејсбук профил министерот за здравство Венко Филипче, денеска од КОВИД-19 е излекувано 21 лице, со што вкупната бројка на оздравени се искачи на 200. Од денешните оздравени, 16 лица се од Скопје, 3 од Куманово и 2 од Штип. Сите тие се лекувале во домашни услови.
Во изминатите 24 часа потврдени се 18 нови случаи на КОВИД-19:
- Скопје – 2
- Куманово – 9
- Штип – 2
- Тетово – 2
- Велес – 1
- Гостивар – 1
- Пехчево – 1
Со ова, вкупната бројка на дијагностицирани пациенти со КОВИД-19 во нашата земја изнесува 1.225 лица.
Во изминатото деноноќие починати се тројца пациенти позитивни на КОВИД-19. На Клиниката за инфективни болести и фебрилни состојби почина пациентка од Лабуништа на 46 годишна возраст, примена на 29 март, која подолг временски период била на механичка вентилација. На Клиниката за инфективни болести и фебрилни состојби почина и 71 годишен пациент од Прилеп, кој во таа здравствена установа бил лекуван од 15 април. Во ГОБ „8 септември“ во Скопје почина пациентка од Куманово на 63 годишна возраст, хоспитализирана на 6 април во тешка состојба.