Битола годинава ќе биде домаќин на караванот на 51 „Празник на мимозите“, кој го организира Општина Хергег Нови, од Црна Гора.
Дефилето на градска музика и мажоретки од Херцег Нови ќе се одржи на 26 јануари, со почеток во 12 часот, а почетна позиција ќе биде плоштадот „Магнолија“, каде ќе бидат поставени и штандови, на кои ќе биде промовирана мимозата, симбол на овој град. Дефилето ќе продолжи по Широк Сокак, а граѓаните ќе имаат ретка можност да видат дел од атмосферата која по повод „Празникот на мимозите“, се организира секоја година во Херцег Нови.
Херцег Нови е збратимен град со Битола и ова дефиле е резултат на одличната соработка на локалните самоуправи, особено на градоначалниците на двете општини.