Битола: Редици за субвенции за инвертер клими

Уште од раните утрински часови, некои дури од 3 часот утрово, битолчани стрпливо чекаа да ги поднесат барањата до општинската администрација за субвенции за инвертер клими.

Средствата што ќе ги надоместува Општина Битола се во вредност од 30% од вкупната цена на чинење на уредот, но не повеќе од 18.000,00 денари.

Колоните со граѓани кои со часови чекале да дојдат на ред се должат на техничките проблеми аплицирањето да се спроведе преку платформата мЗаедница.

Револтирани од настанатите редици и чекањето со часови, битолчани велат дека ништо не останало од ветувањата на коалицијата на власт дека со нив, се’ ќе биде подобро и поинаку.

Фото: Апла.Мк