Со 476 гласа „за“, 122 „против“ и 16 воздржани, германскиот Бундестаг одобри почеток на преговорите на Македонија за членство во ЕУ. Истовремено, германските пратеници дадоа „зелено светло“ и за Албанија.
На седницата на Бундестагот присуствуваше вицепремиерот Бујар Османи, а гласањето го поздрави и еврокомесарот во заминување, Јоханес Хан.
„Го поздравувам денешното гласање на Бундестагот за почеток на преговорите за пристап на Северна Македонија и Албанија во октомври. Признавањето на конкретниот напредок е клучно како поттик за реформи во Западен Балкан и за кредибилитетот на ЕУ“, се огласи Хан преку Твитер.