Цената на дизелот ќе се намали за 4 денари

Цената на дизел горивото од ноќеска ќе се намали за 4 денари, соопшти Регулаторната комисија за енергетика (РКЕ). Со намалувањето, малопродажната цена на дизелот ќе изнесува 89,5 денари.

Цената на бензинот ЕУРОСУПЕР БС-95 не се менува, а цената на бензинот ЕУРОСУПЕР БС-98 се намалува за 0,5 денари за литар. Малопродажната цена на екстра лесното масло за домаќинство на (ЕЛ-1) се намалува за 4,5 денари за литар, а килограм мазут ќе чини 49,9 денари.