Чавков однесен во Шутка, обвинителството тврди дека планирал бегство

На барање на Основното јавно обвинителство, поранешниот директор на Бирото за јавна безбедност Митко Чавков, е пренесен во истражниот затвор во Шутка. Притворот е побаран поради добиени сознанија дека Чавков подготвувал бегство.

Чавков е еден од обвинетите за настаните во Собранието од 27 април 2017 година. Изрекувањето на пресудата за споменатите настани се очекува во петок, а на поранешниот прв човек на БЈБ му се заканува минимална затворска казна од 10 години.