Чешка го презеде ротирачкото претседателство со ЕУ

Чешката Република на 1 јули го презеде ротирачкото претседателство со Советот на Европската унија од Франција. Преземањето доаѓа во време на историските предизвици со кои се соочува Унијата во врска со руската војна против Украина и нејзините последици врз пазарот со енергенси и храна, застојот на економиите и тековната пандемија со ковид.

Чесите последен пат претседаваа со ЕУ во 2004 година, нивната прва година од членството во Унијата.

Во текот на денот претседателката на Европската комисија Урсула фон дер Лајен ќе се сретне со чешкиот премиер Петр Фиала во Прага за да го одбележат официјално предавањето на претседателството.

Претходно Чешка посочи кои ќе и бидат приоритетите за време на шестмесечното претседателство. Ќе се фокусираат на војната во Украина и последиците од неа, вклучително и масовниот прилив на бегалци, како и на енергетската безбедност, бидејќи Европа се обидува да се оттргне од зависноста од руски гас и нафта.

Мотото на чешкото претседателство со ЕУ е „Европа како задача“, што е цитат од покојниот писател дисидент и херој на на Кадифена револуција во Чехословачка, Вацлав Хавел.

За време на претседателството се планирани бројни министерски состаноци и најмалку еден самит на 27 шефови на држави и влади на ЕУ.