Македонските и православните верници во светот кои се раководат според Јулијанскиот календар, денеска го празнуваат Божик, раѓањето на Исус Христос.
Македoнските православни верници вчера го прославија Бадник а денеска го слават Христовото раѓање со традиционалната честитка: Христос се роди! – Навистина се роди!
Во сите храмови на Македонската православна црква утринава со биење на камбаните се најавува доаѓањето и прославата на Божик. На празникот во црква се врши причестување со земање нафора и вино, кои ги симболизираат Исусовото тело и крв.