Црна Гора од денеска ги забрани пластичните кеси

Во Црна Гора од денеска е забранета употреба на пластични кеси и пластика за еднократна употреба, согласно Законот за управување со отпад.

Законот за управување со отпад стапи на сила на 20 април, а спроведувањето на неговите одредби беше предвидено шест месеци по неговото стапување во сила, јавија црногорските медиуми.

Покрај пластичните кеси, ќе бидат забранети и пластичните сламки, како и приборот за јадење и одредени кутии за пакување храна.

Трговците кои ќе го игнорираат законот може да бидат казнети од 1.000 до 40.000 евра. Казните за физички лица се од 500 до 2.000 евра.