Црна Гора и туризмот во пандемијата: „Се пропадна!“

Црна Гора бележи големи загуби во туризмот. Границите се затворени за повеќето земји, меѓу кои и Србија. Половина од хотелите воопшто не се отворени, а на плажите се воглавно домашни гости.

„Годинава ништо. Се пропадна“, раскажува Драган од Тиват, огорчен поради тоа што годинава има 90 отсто помалку туристи во Црна Гора, а подобрување не е на повидок.
„Гледаш ли дека нема никој, се е празно. Има цели семејства кои живеат од издавање кревети и од тоа живеат. Што ќе прават сега? Не затворија како овци, никој не може ни да излезе ни да влезе“, вели Драган. За септември, тој прогнозира „клуч на брава за сите“.
„Ова не е ништо во однос на она што ќе биде. Ќе видите кога ова ќе дојде за наплата за неколку месеци“, прогнозира Драган.

Празна магистрала- празни плажи

Доколку тргнете од магистрала од Херцег Нови до Улцињ, странци речиси и да нема. Понекоја регистерска табличка од БиХ, од Србија речиси и воопшто, и по некој Германец или Русин на плажите.

Montenegro Coronakrise Tourismus (DW/D. Maksimovic)
Олга од Русија пристигнала пред неколку дена.
„Имам тука недвижност и затоа можев да дојдам. Пријателите кои сакаа да дојдат се откажаа поради состојбата со коронавирусот. Во Црна Гора доаѓам од 2010 и никогаш не било вака“, вели Олга.
Паралелно, земјата се подготвува и за избори, па кружат шпекулации дека една од причините за затворањето на границите кон Србија е политичка одлука. Парламентарните избори се закажани за 30 август и од владата велат дека засега нема причина за одложување.
Montenegro Coronakrise Tourismus (DW/D. Maksimovic)Зелена и жолта листа

Во Црна Гора без тест и без ограничувањат можат да влезат државјани на Словенија, Хрватска, Австрија, Белгија, Франција, Германија, Грција, Унгарија, Норвешка, Полска, Словачка, Шпанија и Швајцарија. Тие се на ткн. зелена листа. На жолтата листа се БиХ, Албанија, Канада, Израел, Сингапур и Косово, чии државјани можат да влезат со негативен ПЦР тест не постар од 48 часа.

Половина од хотелите во Црна Гора воопшто не ги ни отворија вратите за туристи бидејќи дојдени се едвај 10 отсто од туристите во однос на минатата година. Истиот проблем го имаат и оние кои издаваат апартмани. Но, и покрај тоа, цените не се пониски во однос на минатата година. Па така, комплет лежалки со чадор чинат од 15 до 20 евра, топка сладолед на плажа- 90 центи, а минерална вода од 0,75л- 3,5 евра.
За Драган од Тиват описот на состојбата започнува и завршува со еден збор- катастрофа.

Montenegro Coronakrise Tourismus (DW/D. Maksimovic)„Цели семејства во туризмот живеат како келнери, готвачи… Ова е катастрофа. Видете ја магистралата празна- катастрофа. Сега велат дека можеби од почетокот на август ќе ги отворат границите за туристи од некои руски региони. Ќе биде катастрофа ако тоа не се случи. Катастрофа!“

Извор: DW

Прочитајте повеќе

Болсонаро се криел во унгарската амбасада во Бразилија откако му бил одземен пасошот

Поранешниот бразилски екстремно десничарски претседател Жаир Болсонаро минатиот месец поминал две ноќи во унгарската амбасада …