ПУБЛИКУМ Вистината на прво место
Во организација на Секторот за образование, спорт и детска заштита на Општина Кавадарци и Здружението за унапредување на здравјето „ФИЛИП ЛУКАРОСКИ“ а по повод Светската недела на детето, синоќа во Кавадарци се одржа трибина насловена како „Децата имаат право на добро здравје“.
Говорници на трибината беа д-р Тони Нешковски специјалист по уролошка хирургија, Билјана Волчева, доктор по општа медицина, Благица Боцева, доктор по дентална медицина и Петра Лукароска, претседателка на Здружението за унапредување на здравјето „ФИЛИП ЛУКАРОСКИ“
„Оваа недела нека ни биде потсетник дека ако детето живее со охрабрување, тоа ќе биде сигурно во себе; ако живее со искреност, ќе научи што е вистина; ако почувствува што е прифаќање, ќе знае да се сака; ако детето учи со споделување, ќе научи да биде благородно; ако детето живее со сигурност, учи да има верба во себе и во оние околу него. Исто како кога ќе посадите растение во почва – ако почвата е добра, и растението ќе биде добро. Ако е камен, залудно ќе правите било што со растението. Родителите, наставниците, општеството, на некој начин, се почвата за детето“, истакна меѓу другото во своето обраќање Лукароска.
