ПУБЛИКУМ Вистината на прво место
Со обележување на хоризонталната сигнализација, заврши рехабилитација на транзитниот булевар „Македонија“ во Делчево кој е дел од државниот пат А3 кој поминува низ Делчево.
Согласно со проектот се рехабилитираа двата коловоза од делот кај бензиската во Делчево до клучката за регионалните патишта за Берово и Граничен премин со вкупна должина од 3,5 км. Инвеститор на работите е Јавното претпријатие за државни патишта, а изведувач е ГП „Гранит“. Вкупната вредност на проектот е 32.464.582 денари.
Со рехабилитацијата на транзитниот булевар се реши и децениски проблем со оваа доста фреквентна сообраќајница во Делчево која комплетно се рехабилитираше прв пат од како е изградена.
Инаку, претходно беа рехабилитирани и 5 км од патниот правец Делчево-Ѕвегор-Граничен премин, како и најкритичниот дел од патниот правец Делчево- Пехчево во должина од 11 км. Двата проекти се реализираат преку ЈПДП со проект од Светска банка, каде оваа година се предвидени средства и за реконструкција на 11 км на регионалниот пат Берово-Виница во должина од 11 км. Вкупниот буџет за овие три инфраструктурни проектие 3,3 милиони евра.
