Денеска променливо облачно со локален дожд, од утре засилен ветер и пад на температурите

Денес претпладне времето ќе биде променливо облачно со сончеви периоди. Попладне, најпрвин во западните а во вечерните и ноќните часови и во останатите подрачја, ќе биде облачно со повремен дожд. Наместа врнежите ќе бидат поројни и пообилни, проследени со грмежи и засилен до силен ветер. Локално ќе има услови за појава на невреме. Максималната температура ќе достигне 28 степени Целзиусови.

Од утре и во деновите потоа ќе преовладува претежно стабилно време. Ќе дува засилен до силен северен ветер и температурите постепено ќе опаѓаат.