Денеска променливо облачно, за викендот нестабилно време со локален дожд и грмежи

Денеска во претпладневните часови времето ќе биде сончево со мала до умерена облачност, а попладне на места нестабилно со локален пороен дожд, грмежи и засилен ветер. Максималната температура ќе достигне 33 степени, а УВ индексот ќе изнесува 6.

Во деновите од продолжениот викенд ќе преовладува нестабилно време, со повремен пороен дожд, грмежи и засилен ветер и услови за локална појава на град. На места процесите ќе бидат поинтензивни во форма на невреме. Температурата ќе се движи во интервалот од 7 до 33 степени Целзиусови.