Денеска во Сараево Заев ќе ја прими наградата „Златна плакета – европска личност на годината“

Претседателот на Владата на Република Македонија, Зоран Заев, денеска ќе отпатува во работна посета на Сараево, каде ќе ја прими највисоката награда „Златна плакета – европска личност на годината“, од Агенцијата за избор нај менаџер на БИХ, Југоисточна и Средна Европа и Европското здружение на менаџери.

На традиционалната манифестација е најавено присуство на околу 500 најуспешни бизнис лидери од БИХ, Европа и светот, претставници од науката и политиката, под покровителство на Претседателството на БИХ.

Свечената церемонија на врачување на наградите е најавена за 17:45 часо, во Конгресната сала на хотелот „Холидеј“.