Џонсон: Ако Русија ја нападне Украина, руските компании нема да можат да тргуваат во фунти и долари

Соединетите американски држави и Британија имаат намера да им забранат на руските компании пристап до американски долари и британски фунти ако Кремлин започне со воена инвазија на Украина, изјави Британскиот премиер Борис Џонсон за БиБиСи, а пренесе Ројтерс.

„Планот што го гледаме е за нешто што може навистина да биде најголемата војна во Европа од 1945 година наваму само во однос на нејзните размери“, рече Џонсон.

Тој потенцираше дека во случај на руска инвазија, санкциите кон Русија ќе бидат поинтензивни од што претходно се сугерираше во јавноста.

Како што најави Џонсон, САД и Обединетото кралство ќе ја забранат „трговијата на руските компании во фунти и долари“, чекор кој според него ќе значи „голем удар“ и силно влијание.

Извор: МЕТА