„Европски“ Прилеп сардисан од кучиња скитници
Глутница од дваесетина кучиња скитници „го искористија“ сончевото време за да се прошетаат низ центарот на Прилеп. Големиот број прилепчани кои излегоа на вообичаеното неделно кафе низ прилепските кафетерии, загрижени од можноста да бидат нападнати од кучињата, гласно негодуваа на негрижата која локалната власт ја покажува за безбедноста на граѓаните.
Најгласни и најгневни во реакциите беа родителите на децата кои соочени со можноста од несакани последици по безбедноста на нивните дечиња, до градоначалникот Марјан Ристески упатија прашање: Дали е ова тој „европски“ Прилеп за кој декларативно се залага „градскиот татко“?
Споделете :
