ПУБЛИКУМ Вистината на прво место
На европското првенство во спортски танци кое на 4-ти октомври се одржа во Белград, репрезентацијата на Северна Македонија во категоријата возрасни и дисциплината Choreographic Latin на WDSF European Dancesport Championship Latin & International Open Standard, го освои второто место, додека во категоријата JUNIOR 2 младите македонски натпреварувачки се искачија на највисокото место на пиедесталот.
Во силна конкуренција, македонската репрезентација беше подобра од актуелните светски шампиони, репрезентацијата на Шпанија, како и од третопласираните од последното Светско првенство, репрезентацијата на Германија.
Под стручниот надзор на Јагода Димовска, боите на македонската репрезентација ги бранеа Зорица Симјановска, Тамара Панова, Maja Крстевска, Мила Димовска и Софија Богевска.
Македонските репрезентативки ги освоија симпатиите како на пошироката јавност, така и на сите учеснички на Европското првенство, заради што пристигнаа покани за учество на престижни натпреварувања од светски ранг.
Истовремено, во категоријата JUNIOR 2 и дисциплината Choreographic Latin во Белград WDSF European Dancesport Championship Latin & International Open Standard, репрезентацијата на Македонија во спортски танц се искачи чекор погоре и во финалето го освои златниот медал.
Со златен медал се закитија младите репрезентативки Ана Талевска, Анастазија Петковска, Антонија Гајтановска, Бојана Бејковска, Вања Атлагиќ, Јована Крајческа, Катја Козарова, Меланија Паневска и Никита Ангеловски.
