Финансиска полиција поднесе кривична пријава за поранешниот прв човек на ФФМ

Поранешниот претседател на Фудбалската федерација на Македонија (ФФМ), Илчо Ѓорѓиоски, доби кривична пријава за Управата за финансиска полиција, која го товари за даночно затајување и за фалсификување или уништување на деловни книги. Кривична пријава има и за ФФМ поради делата што ги направил поранешниот нејзин прв човек.

Како што соопштија од Финансиска полиција, Ѓорѓиоски во завршната сметка на ФФМ за 2017 година, која била поднесена на 27 февруари 2018 година, не извршил отпис на ненаплатени побарувања од пропаднатиот синџир трафики „Тобако“ и на комбинатот „Југохром“, во вкупен износ од 16 милиони и 809 илјади денари (273.320 евра).

За тие пари тој морал да плати и соодветен данок на добивка, велат од Финансиска полиција, која поднела кривична пријава и за ФФМ, товарејќи ја дека со постапките на тогашниот нејзин претседател незаконски спечалила дополнителни 1,68 милиони денари, односно 27.330 евра.

Извор: МЕТА