Групата „Фолтин“ го промовираше новиот албум „Симултан бакнеж“. Албумот е објавен под етикетата на „ОХО продукција“ и на него се наоѓаат четири песни, кои беа снимени во Студио Алшар во декември минатата година.
Продуцент на албумот е Пеце Талески, додека обвивката на албумот е изработена од режисерот Ѓорче Ставрески. Ова е 13-ти албум објавен од групата „Фолтин“ од почетокот на нивното постоење до денес.
Новиот музички спот е за песната „Кој може да расипе еден ваков ден“, во режија на Милена Витман.