ПУБЛИКУМ Вистината на прво место
За прв пат во нашата држава, во Прилеп е формирано „Здружение на Јавни Службеници во Северна Македонија“, кое го опфаќа целиот јавен сектор во државата.
Примарна цел на Здружението е создавање на професионална администрација, односно професионален јавен службеник соодветен и подобен за секое работно место во јавниот сектор.
Согласно Програмата за дејствување на Здружението, негова долгорочна стратешка цел е претставување на јавните службеници и застапување и штитење на нивните интереси во нашата држава, но и во странство.
Како што велат од Здружението, за правилно функционирање на воспоставениот систем во државата, се овозможуваат стручни правни услуги, анализи и изработка на правни мислења во областа на целиот јавен сектор од државната администрација, Министерството за внатрешни работи, Армијата, образованието и науката, културатата, социјалната и детската заштита, здравството, судството и јавното обвинителство, државните и јавните претпријатија, како и трговските друштва во државна сопственост.
Зачленувањето во ЗЈС е по електронски пат, со поднесување на барање за членство на службениот мејл javnisluzbenici@gmail.com. Според статутот, негов член може да биде секој јавен службеник, односно вработен во јавниот сектор на РС Македонија и секој жител на општина Прилеп, како општина од која Здружението започна да дејствува.
