галичка свадба

В недела на Галичка свадба Стефана и Даријан ќе го кажат судбоносното „ДА“

Годинешното издание на Галичка свадба ќе се одржи наредниот викенд, од 12 до 14 јули

Годинешното издание на Галичка свадба ќе се одржи наредниот викенд, од 12 до 14 јули.

Галичката невеста која е по потекло од Галичник, Стефана Димитрова и младоженецот Даријан Кочоски судбоносното „ДА“ ќе го кажат в недела на 14 јули.

Стефана, преку своите родители, потекнува од познати галички семејства, а и двајцата млади и досега биле учесници на Галичка свадба. Денот на венчавката ќе го обележат атрактивните свадбени обреди и обичаи, меѓу кои таканареченото канење на мртвите, канењето на кумот, бричењето на зетот, бодинењето, гледањето низ прстен, пречекот на сватовите, земањето на невестата, дарувањето и други обичаи. Венчавањето на младенците ќе се изврши во храмот „Св. Апостоли Петар и Павле“, а свеченоста ќе заврши со испраќањето на тапанџиите и зурлаџиите.

„Најпозитивно при опсежните подготовки на манифестацијата, во текот на целата година, е што и по толку децении не спласнува интересот на младите да бидат дел од свеченостите, туку напротив, тој секоја година расте. Тоа е посебен знак дека успеваме во нашата мисија да ги одржиме витални нашите обичаи и вредностите на традицијата која сме ја наследиле и ја пренесуваме на следните генерации“, рече претставникот на организаторот, Месната заедница Галичник, Александар Костиќ и додаде дека „со поддршката од долгогодишните партнери Галичник е подготвен на сите посетители и годинава да им ја презентира богатата и уникатна традиција на која ѝ се восхитуваат сите што ја запознале“.

Институционален покровител на „Галичка свадба“ е претседателката на државата Гордана Сиљановска Давкова. Еден од традиционалните поддржувачи на манифестацијата и годинава е Министерството за култура и туризам.

Ваквиот начин на обележување на Галичката свадба прв пат е одржан во далечната 1963 година, а досега настанот имал вкупно 50 изданија.

Извор:МЕТА

Прочитајте повеќе

Платата на премиерот е 140.450 денари, а на министрите по 115.540 денари

Платата на премиерот е 140.450 денари, а на министрите по 115.540 денари

Владата јавно ги објави платите на претседателот на Владата, како и на министрите. Според објавените податоци, највисока …