ПУБЛИКУМ Вистината на прво место
Големиот шумски пожар што изби во среда во грчката област Коринт повторно се распламте утрово, а досега се уништени 55 квадратни километри во оваа област на полуостровот Атика.
Досега се евакуирани шест села и два манастира, а има изгорени куќи.
Во гаснењето на пожарот кој дивее на околу 80 километри западно од главниот град Атина се ангажирани авиони, хеликоптери и голем број пожарникари, но многу делови се тешко достапни и пожарот и понатаму се шири, а проблемите ги создава силниот ветер.
Според Метеоролошката служба во Атина, покрај ветерот, главната причина за напредувањето на пожарот е тоа што веќе еден месец во областа не паднал дожд.
