Горивата поскапеа за два денара

Според одлуката на Регулаторната комисија за енергетика (РКЕ), од полноќ малопродажните цени на бензините Еуросупер 95 и Еуросупер 98, како и на Еуродизелот и на Екстра лесното масло за домаќинство се зголемија за два денара по литар.

Според РКЕ, малопродажната цена на Еуросупер 95 изнесува 70 денари, на Еуросупер 98 71,5, на Еуродизелот 62, а на Екстра лесното масло за домаќинство 50,5 денари за литар.

Се зголеми и малопродажната цена на мазутот, за 1,317 денари, поради што килограм ќе чини 30,037 денари.