Стопирана е изградбата на 32 метарското минаре на Алипашината џамија уверува премиерот Заев, и вели после 5 мај ќе се знае каква ќе биде судбината на градбата. Тој денеска од Охрид потврди дека инвеститорот од почетокот поседува само конзерваторско решение но не и одобрение за градба.

Од Инспекторатот денеска не беа достапни за одговор околу забраната за градба а активисти и граѓани на социјалните мрежи информираат дека и утринава инвеститорот на објектот работел со полна пареа. Од здружението Совест пак  велат не веруваат на зборовите на премиерот се додека не ги видат жолтите ленти. Тие и денеска додека тој даваше изјавата пред медимуите со транспаренти во раце повторно  побараа итно поставување на  жолти ленти околу џамијата.

Заев пак уверува дека засегнатата страна ќе се придржува до договореното и испрати апел за смиреност меѓу граѓаните. Инаку Алипашината џамија во Охрид се гради повеќе од 2 години без дозвола за градба. Од Управата за заштита на културнито наследство информираа дека освен во градбата, отстапки  надвор од проектот се направени и во внатрешниот ентериер на џамијата. На случајот работи и ОЈО Охрид кое досега покрена постапки против повеќе физички и правни лица кои извршиле низа неправилности на објектот.

Извор: ТВ 24