Илија Нестороски е нов играч на Удинезе

Прилепчанецот Илија Нестороски е нов играч на италијанскиот прволигаш Удинезе. Нестороски со Удинезе потпиша тригодишен договор, откако во изминатите 3 сезони за екипата на Палермо одигра 99 натпревари и постигна 39 голови.

Македонскиот фудбалски репрезентативец во Удинезе замина како слободен играч, откако неговиот досегашен клуб поради финансиски проблеми беше испратен во четвртата лига.