Изгаснат пожарот кај хотелскиот комплекс „Манастир“ во Берово

Нема повредени лица, но предизвикана е огромна материјална штета

Пожарот кој синоќа изби во хотелскиот комплекс „Манастир“ во Берово е изгаснат, од страна на пожарникари од ТППЕ Берово и други противпожарни единици од околните места. Дел од гостите биле претходно евакуирани и нема повредени лица, но пожарот предизвикал огромна материјална штета.

„Пожарот најверојатно избувнал од грилот од скарата. Интервенирано е со 15 пожарникари и четири противпожарни возила, а дополнително е побарана помош во пожарникари и возила од ТППЕ Виница, Кочани, Струмица и Доброволно друштво Пехчево. Пожарот е локализиран“, изјави Сашко Руменовски, командирот на ТППЕ Берово.

Изгорена е летната тераса на хотелот, но не се дозволило пожарот да се прошири до собите.

Извор: МЕТА