обвинителство

Извршен увид во близина на Рашче, се испитуваат причините за несреќата

Заедно со автомобилот, од водите на Вардар беа извадени три починати женски лица, за кои е издадена наредба за обдукција

Дежурен јавен обвинител од Основното јавно обвинителство Скопје синоќа изврши увид на лице место кај Рашче, каде автомобил со патници излета и падна во водите на Вардар.

Заедно со автомобилот, од водите на Вардар беа извадени три починати женски лица, за кои е издадена наредба за обдукција. По уште едно лице се трага, додека во автомобилот патувало и дете кое е пронајдено повредено надвор од возилото, па е пренесено на Клиничкиот центар.

Според првичните сознанија, со возилото управувала една од починатите.

Ќе биде издадена наредба и за вештачење на автомобилот.

По насоки на јавен обвинител се разговара со очевидци на настанот, како и со блиски на семејството во возилото со цел да се испитаат сите околности.

Извор: МЕТА

Прочитајте повеќе

Сколиоза и деформитети на стапалата - сѐ почеста дијагноза кај учениците

Сколиоза и деформитети на стапалата – сѐ почеста дијагноза кај учениците

Сколиозата како деформација на ‘рбетот е најчестa патолошка состојба меѓу македонските ученици, покажале ланските систематски …