Јанкуловска доби ослободителна пресуда за „Тврдина“, Горан Грујевски осуден на 14,5 затворска казна

Екс разузнавачите Горан Грујевски и Никола Бошковски кои избегаа во Грција која, пак, не ги екстрадираше, добија највисоки казни во предметот „Тврдина“ – Грујевски е осуден на 14 и пол години затворска казна, а Бошковски доби 9 години и 10 месеци за делото злоупотреба на службената положба и фалсификување на исправа, поврзано со уништувањето на системите за следење на комуникацијата во УБК.

Освен тоа, согласно пресудата, Тони Јакимовски доби казна затвор од три години, а условно беше осудена Валентина Симоновска на две години, а казната нема да се спроведе доколку во рок од пет години не направи друго кривично дело.

Поранешната министерка за внатрешни работи, Гордана Јанкуловска, доби ослободителна пресуда бидејќи Обвинителството не докажало дека го сторила делото.

„Повредени беа човековите права на огромен број граѓани, бизнисмени и политичари. Се упадна во приватноста. Со прислушувањето се контролираа процеси и се контролираа бутновните граѓани. Со упадиот во системот, се овозможи кривичното дело за прислушувањето да застари“, рече судијата Илија Трпков во образложението на пресудата.

Повторената пресуда за предметот „Тврдина“ следуваше откако застаре гонењето за делот „Таргет“ за масовното прислушување каде што меѓу обвинетите беше и екс шефот на УБК, Сашо Мијалков.

Извор: МЕТА