ЈКП „Пазари“ е финансиски стабилизирано, следуваат инвестиции за модернизирање на градскиот пазар

На денешниот отчет за работата на градоначалникот на Општина Прилеп и
директорите на четирите јавни претпријатија, директорот на ЈКП „Пазари“,
Кристијан Илиески рече дека при доаѓањето на чело на претпријатието се соочил
со безредие, финансиски проблеми, неисплатени плати и надоместоци на
вработените, обврски кон добавувачите, неисплатен ДДВ, “нула“ состојба на
сметката и сето тоа “спакувано“ во околу 5 милиони денари.

„Со отуѓувањето на ‘Млечниот пазар’и срушените дуќани, скратени ни се изворите
на финансирање и загрозено е нормалното функционирање на пазарот. Минатите
10 години пазарот бил 4 пати покриван и сепак не е покриен до крај, со што ни е
направена ненадоместлива финансиска штета. Доколку ја немавме поддршката
од Општина Прилеп и градоначалникот Илија Јованоски и субвенционирањето на
нашата Програма, ќе беше доведена во прашање судбината на вработените и
иднината на претпријатието“, истакна Илиески.

Директорот на ЈКП „Пазари“ најави проекти за целосно покривање на пазарот и
монатажа на фотоволтаици, што ќе доведе до значителна заштеда на електрична
енергија, а ќе се реконструира и управната зграда која се наоѓа во исклучително
лоша состојба. Илиески напомена дека со оглед на тоа што пазарот се наоѓа во
централното јадро на градот, пристапноста со возила до него е прилично тешка,
заради што ќе се работи на изнаоѓање на начин за надминување на овој проблем.

Она што граѓаните во иднина треба да очекуваат, како што напомена Илиески, е
модернизиран и европски пазар кој ќе биде гордост на Прилеп и прилепчани. Во
моментов, финансиската состојба на ЈКП „Пазари“ е стабилна, без долгови и било
какви други обврски.

Прочитајте повеќе

Одбележана 4-годишнината од членството на Северна Македонија во НАТО (Видео)

Во Министерството за одбрана, денеска со свечена церемонија на која се обратија првиот вицепремиер за …