Јоханес Хан утре доаѓа во еднодневна работна посета на Република Македонија

Утре во еднодневна, работна посета на Република Македонија ќе престојува Јоханес Хан, комесар за европска соседска политика и преговори за проширување на Европската Унија.

Во Владата на Република Македонија Евро комесарот Хан е предвидено да пристигне 08 часот, по што ќе присуствува на 79-тата седница на Владата на Република Македонија. Единствена точка на седницата, е Информацијата за концептот и структурата на преговори за пристапување на Република Македонија во Европската Унија.

По завршување на владината седница, Премиерот Заев и еврокомесарот Хан ќе одржат заедничка прес – конференција.