Концерт на „Чалгија саунд систем“ на летната сцена од прилепскиот Центар за култура

Во сабота на 10 јули, со почеток во 20.30 часот, на летната сцена од ЦК „Марко Цепенков“ концерт ќе одржи групата „Чалгија саунд систем“. Концертот е во рамките на годишната програма на Центарот за култура за 2021 година, која е поддржана од Министерството за култура.

Групата „Чалгија саунд систем“ е формирана во 2008 година. Групата го негува чалгискиот израз, проучувајќи го богатото наследство од мелодии и форми, кои ги изведува доследно и верно на традицијата. Од друга страна, „Чалгија саунд систем“ го зема чалгискиот израз како основа за создавање на современа музика, која е во духот на чалгиската традиција.

Групата има издадено неколку албуми и реализирано голем број концерти.