Ковачевски: Историско зголемување на платите во образованието преку отворен дијалог

Премиерот Ковачевски оцени дека иако СОНК донесе одлука да оди во штрајк тој дијалог не беше прекинат и се потврди дека нашата држава има институции и законски решенија кои овозможуваат и без штрајк, со посредство на законот за посредување, и со вклученост на Премиерот и Министерството за образование и наука и Министерството за труд и социјална политика, да се постигне договор.

„Оваа Влада докажа дека е на страна на работниците, ние имаме сега историско зголемување на платите во образовниот сектор од 15%, заедно со покачувањето во изминатите години кои беа 21%, се работи за кумулативни над 36% покачување. Во историјата не се случило да има толкаво покачување на платата на просветните работници“, истакна премиерот Ковачевски.

Премиерот Ковачевски дополни дека е договорено и воведување на нова методологија за пораст на платите во 2023 година, како дел од реформите во јавниот сектор кои ќе значат и унапредување на образовниот процес, унапредување на условите на работа за наставниците и студентите, и секако постигнување на подобри резултати за нашите ученици кои според меѓународни мерења.