Ковачевски на средба со коалициските партнери

Средба на коалициските партнери е најавена денеска попладне во Владата каде според најавите на премиерот Димитар Ковачевски треба да се реафирмира ставот за одржување редовни парламентарни избори во 2024 година, заедно со претседателските, но и да се види што е направено изминатите месеци од формирањето на новата Влада.

Теми на разговор ќе биде кризата со растечките цени на светските берзи во однос на храната, на енергенсите, суровините, предизвикани од нападот на Русија врз Украина. Исто така се очекува тема на разговор да биде и францускиот предлог за тргање на бугарското вето и деблокирање на патот на Македонија во ЕУ.

Како што најави премиерот Ковачевски, коалициските партнери ќе се осврнат и на важноста на водењето севкупни политики во државата во насока на задржување на стандардот на населението и унапредување на системот на земјава и неговото усогласување со системот на ЕУ.