На Првиот национален рурален парламент кој во четврокот се одржа во Крушево во хотелот „Монтана Палас“, градоначалникот на општина Крушево Томе Христоски се осврна на потенцијалите за рурален развој на општината, а дебатираше и со претставници на повеќе здруженија и организации.
„Во 21 век нашите населени места се соочуваат со нерамномерен развој и со проблеми од основен карактер за опстанокот за граѓаните. Ја затекнавме општината со ниту еден изработен проект, а денес имаме 30 готови проекти кои во најголем дел ги засегаат населените места“, изјави градоначалникот Христоски.
Христоски порача дека населените места имаат обработливи површини, нивната местоположба е во непосредна близина на индустриската зона и имаат пристап до неколку општини. Сето ова, истакна Христоски, претставува потенцијал на руралниот развој.
На руралниот парламент присуствуваа претставници од здруженија, владини институции и граѓани, а најголемиот дел од нив имаа прилика да дебатираат со градоначалникот Христоски и да отворат некои голем број прашања.