Лукаревска: Изградбата на коридорите ќе донесат 8.000 нови работни места и раст од 2 % на БДП годишно

Заменик претседателката на СДСМ, Сања Лукаревска во обраќањето на денешната трибина „Резултати што прават разлика“, кусо се осврна и на успесите на СДСМ во изминатите години во делот на инфраструктурата.

„Изградивме и обновивме преку 1.400 километри патишта, направени се 69 километри автопатски делници.

Во тек е изградба на 190 километри автопати, на 50 километри експресни патишта и 450 километри локални патишта низ општините.

Направивме гасоводи во должина од над 270 километри. Изградени се над 860 социјални станови за ранливи семејства.

Тоа се резултати што прават разлика, тоа е суштината и на овој слоган, градиме за иднината.

Конечно, со усвојувањето на законските измени се отвори патот за побрза и поевтина изградба на автопатските делници од коридорите 8 и 10д, најголемиот стратешки и инфраструктурен проект во земјава.

Реализацијата на овој стратешки проект, каде е предвидено да се вклучат домашни компании, значи нови 8.000 работни места, нови инвестиции од 1,3 милијарди евра и номинален раст на БДП за 2% годишно во наредните пет години“, порача Лукаревска.

Таа додаде дека со членството во ЕУ, овие резултати на СДСМ ќе се зголемат двојно или тројно.

„Само минатата недела Европскиот парламент ѝ додели уште 100 милиони евра на нашата земја. Не’ чекаат многу повеќе средства за да ја надградиме инфраструктурата, да го зголемиме нивото на услугите, да го направиме животниот стандард многу повисок од денес“, посочи Лукаревска додавајќи дека од тематската трибина посветена на инфраструктурата очекува нови насоки, предлози, сугестии за новата програма на СДСМ за мандатот 2024-2028 година.

Прочитајте повеќе

Ковачевски: Вложуваме во македонското високо образование, младите образовани луѓе ѝ се потребни на државата

Претседателот на Владата, Димитар Ковачевски, денеска се обрати по повод почетокот на академската 2023/2024 година. …