Оваа Влада држи до својот збор. Во 2016 година рековме дека ќе ги зголемиме субвенциите за тутунот и тоа го направивме уште во првата година од почетокот на мандатот. Во изминатите 3 години субвенционирањето се одвива по нов модел: 80 денари за прва класа, 70 за втора и 60 денари за останатите класи.
Тутунопроизводството е стратешка гранка од која девизниот прилив изнесува 100 милиони евра. Со оваа земјоделска гранка се занимаваат 33.000 семејства од нашата држава.
Имаме историски цени на откупот на тутун: во 2014 година откупната цена беше 118 денари, годинава таа е 221,5 денари за еден килограм. Имаме стабилен откуп, до денес се исплатени над 5 милијарди денари за откупениот тутун. Преостанатите количини од околу 4 милиони килограми ќе биде откупен и исплатен до 10 февруари, а во март целосно ќе бидат исплатени и субвенциите во висина од 32,5 милиони евра.
ПУБЛИКУМ Вистината на прво место
