Макрон, Шолц, Драги во Киев

Францускиот претседател Емануел Макрон, германскиот канцелар Олаф Шолц и италијанскиот премиер Марио Драги со специјален воз денеска заминале за Киев, објавија утринава германските и италијанските медиуми, објавувајќи фотографија од Макрон, Шолц и Драги. Макрон претходно ги посети Романија и Молдавија. Тој изрази поостра линија кон Русија и рече дека Европа треба да испрати силен сигнал до Украина додека се обидува да ја смири загриженоста во Киев и меѓу некои европски сојузници во врска со неговиот претходен став кон Москва.

Макрон вети дека ќе „направи сè“ за да ја запре руската воена машина во Украина

Симболичната посета на Киев ќе дојде еден ден пред Европската комисија да даде мислење за статусот на Украина како кандидат за ЕУ, нешто за што најголемите европски нации беа млаки и треба да разговараат на лидерскиот самит на 23 и 24 јуни. „Се наоѓаме во момент кога ние (Европејците) треба да испратиме јасни политички сигнали, ние Европејците, кон Украина и нејзиниот народ кога таа херојски се спротивставува“, рече Макрон, без да наведе детали. Францускиот лидер беше критикуван од Украина и од источноевропските сојузници за, како што тие го сметаат, двосмислена поддршка за Украина во војната против Русија.

Извор: Радио Слободна Европа