ПУБЛИКУМ Вистината на прво место
Реплика на пратеничката на СДСМ, Марија Георгиевска на излагањето на пратеничката на ВМРО-ДПМНЕ, Жаклина Пешевска, на денешната собраниска седница за избор на новата Влада:
„Јас сум Марија Геориевска, Македонка, православна, која говори македонски јазик. Ќерка на Божидар и на Трајанка, внука по татко на Димко и Маца од Алимасковци, внука на Пејко и Илинка од Пејковци. Ова е дел од моето фамилијарно стебло, ова е мојот идентитет за којшто потајно во сите говори нафрлате дека вие сте патриотите, а ние останатите дискутираме за него. Јас ве молам, почитувана колешке, вие и вашата партија да престанете манипулативно да ја користите картата на национализмот, кој секогаш го употребувате во моменти кога треба да се носат важни одлуки за иднината на нашата држава“.
